А.И.Бараев атындағы АШҒӨО ғалымдары шығарған бидайдың жаңа сұрыптары жоғары сапамен қуантты

АШҒӨО-ның қатты бидай зертханасының жетекшісі Руслан Жылқыбаев бастаған жас ғалымдар «Шортанды 2012», «Тәуелсіздік 20», жұмсақ бидай сұрыптарына және «Дамсинская Янтарная», «Корона» қатты бидай сұрыптарына, сондай-ақ «Линия 250-06-14» және «69-08-2» перспективалы бағыттарына экологиялық сұрыптық сынақ жүргізді. Экологиялық сұрыптық сынақ Қостанай облысындағы Амангелді ауданының Қарынсалды ауылында орналасқан «Нұрай-Н» ЖШС алқаптарында өтті.
Сұрыпты сынақтан өткізудің нәтижесі көрсеткендей, бидай жоғары сапалы, дәнмаңыздың құрамы 34 және 30 болды.
Бидайдың өнімділігі «Шортанды 2012» - 12 ц/га, дәнмаңыздың сапасы 34, «Тәуелсіздік 20» – 11 ц/га, дәнмаңыздың сапасы – 30, «Дамсинская Янтарная» – 12 ц/га, «Корона» – 12 ц/га, «Линия 250-06-14» – 5 ц/га, «69-08-2» – 14 ц/га-ны құрады.
Сұрыптардың барлығын АШҒӨО ауыл шаруашылығы дақылдарының селекциясы бөлімінің жетекшісі, ауыл шаруашылығы ғылымдарының кандидаты А.Т.Бабкеновтың басқаруымен осы бөлімнің жас ғалымдары жасап шығарған.скачать dle 12.0