ҚАТУ кәсіподақ ұйымы мүшелері арасында спорттық балық аулау сайысы өтеді

19 ақпанда ҚАТУ жергілікті кәсіподақ ұйымы мүшелері арасында спорттық балық аулаудан турнир өтеді.

Айта кетерлігі, қысты күндердің бірінде елордаға ең жақын орналасқан су қоймасының жағасына жиналып, балық аулау техникасын көрсету ұжымда жақсы дәстүрге айналған. Бұл жолы қатысушылар саны анағұрлым көбейіп отыр. Ағымдағы жылдың басынан бері ҚАТУ жергілікті кәсіподақ құрамына ниет білдірген ұйымдар енді. Сонымен, сайысқа 19 бастауыш кәсіподақ ұйымының әрқайсысынан 3 адамнан қатысуға мүмкіндік алды. Олар ҚАТУ, А.Бараев атындағы АШҒӨО, СК АШТС, Ә.Бөкейхан атындағы ҚазНИИЛХА, Қарабалық АШТС (Қостанай облысы), профессорлық-оқытушылар құрамы мен қызметкерлері, Павлодар АШТС, «Казак тұлпары» ЖШС және А.Ф.Христенко атындағы Қарағанды АШТС-ның сайыскерлері бар.

Жарысқа Аңшылық және балық шаруашылығы кафедрасының өкілдері қазылық етті. Олар секторларды сызып, әр командаға тиесілі орнын береді.

Жергілікті кәсіподақ ұйымының төрағасы Серік Айтхожиннің айтуынша, сырттан келген байқауға қатысушылар қонақүйден орын алады. Ұйымдастырушылар турнир өтетін жерге автобус береді. Әрбір қатысушының өзімен бірге балық аулауға қажетті құралдарын алып баруы міндеттеледі.

Екі сағатқа созылған жарыстан кейін барлық қатысушылар мен жанкүйерлер ыстық түскі ас ішеді. Турнир дің келесі кезеңі десе де болады, мұнда алғаш рет ең дәмді балық сорпасына дайындау бойынша байқау өткізу жоспарланып отырғанын айта кеткен жөн,-деді С. Айтхожин.
«Ал, хош иісті балық сорпасы болмаса, бұл қандай балық аулау» деп шешіп, турнирді ұйымдастырушылар өздерінің аспаздық шеберлігін көрсеткісі келетіндіктерін білдіріп отыр.

Шара соңында турнир жеңімпаздары бағалы сыйлықтармен марапатталады, Бұл сыйлықтар келесі балық аулау науқанында міндетті түрде пайдаға асатын болады. Сыйлықтардың қатарында: мұз бұрандалары, термостар, қармақ, пеш оттығы және т.б. бар.

585 -рет қаралды