"Шортандылық 2" - жоңышқа сорты

Сорт авторы: В.П. Кузьмин

Жоңышқаның «өзгермелі» түріне, көкгибридтілер тобына жатады. Пісіп-жетілетін уақыты — орташа мерзім. Қылтиып шыққаннан орып алуға әзір болғанға дейін 55-80 күн, тұқымы піскенше 115-125 күн керек.

Сорт қысқы салқын мен құрғақшылыққа төзімді келеді, ал ауруларға төзімділігі өте жоғары. Бір маусымда бір немесе екі рет орып алуға болады.

Көк шөп түріндегі шығымдылығы — 142,0 ц/га, пішен күйінде алынатын орташа өнім — 40,3 ц/га, тұқым жинау бойынша — 2,3 ц/га. Жапырақтың үлесі — 52 пайыз, жапырақтар біркелкі орналасады.

Кептірілген шөпте 17,3-20,4 пайызшикі протеин, 16,3-21,3 пайыз клетчатка болады.

Сорт 1952 жылдан бастапреспубликаның селекциялық жетістіктерінің Мемлекеттік тізіліміне енгізіліп, Ақмола, Қостанай облыстарында өндіріске пайдалануға рұқсат берілген. Сорт патенттелген.

2 286 -рет қаралды