АШҒӨО басшысы АҚШ елшісімен америкалық трансұлттық компаниялармен ынтымақтастық жайын талқылады

Қазақстан Республикасындағы АҚШ елшілігінің қолдауымен Ұлттық музейде өтіп жатқан "Америка және Қазақстан... сіз ойлағаннан да жақын" фотокөрмесі аясында А.И.Бараев атындағы Астық шаруашылығы ғылыми өндірістік орталығының бас директоры Кенже Абдуллаев АҚШ елшісі Уильям Мозермен кездесті.

А.И.Бараев атындағы АШҒӨО бүгінде егістіктерді суландыру және "ақылды полигон" құруда ТНК, Valmont секілді америкалық компаниялармен белсенді ынтымақтастықта. Кенже Абдуллаев Уильям Мозер мырзамен АШҒӨО-ның америкалық әріптестермен аграрлық саладағы жемісті әріптестігінің барысы туралы ой бөлісті. Елші бұл тұрғыда жағымды ілгерлеу барын атап өтті. Алдағы уақытта Қазақстанның АӨК игілігі үшін тараптар жұмысты жалғастыра бермек.