Ақкөл ауданында дала күніне орай ұйымдастырылған көрмеге 200-ден астам аграрлық компания қатысты
Жаңалықтар
Ақмола облысының Ақкөл ауданында Қазақстаннан, сондай — ақ жақын және алыс шетелдерден компаниялардың қатысуымен «Jańa Dala / Green Day-2024» мамандандырылған көрмесі өтуде.Көрмеде заманауи ауыл шаруашылығы технологиялары, өсімдік шаруашылығы мен мал шаруашылығының селекциялық жетістіктері, заманауи жоғары өнімді техниканың үлгілері және ветеринария саласындағы инновациялық әзірлемелер көрсетілді.
Өңір басшысы экономиканы дамытудағы ауыл шаруашылығы саласының маңыздылығын атап өтті.
«Ақмола облысы еліміздің аграрлық жүрегі болып саналады, сондықтан дала күнін өткізу маңызды оқиға ғана емес, ауыл шаруашылығының игілігі үшін еңбек ететіндердің барлығын біріктіретін нағыз мереке. Айта кету керек, бұл іс-шараға қатысушылар саны жылдан жылға кеңейіп келеді, бұл оған ерекше мән мен ауқымдылық береді. Олардың көпшілігімен біздің аймақ тығыз қарым-қатынаста. Мемлекет басшысының азық-түлік қауіпсіздігін қамтамасыз ету жөніндегі тапсырмаларын орындау аясында облыс айтарлықтай нәтижелерге қол жеткізді. Еліміздің ірі астық егетін өңірлерінің бірі бола отырып және республика аумағының бес пайызынан сәл астамын алып, бізде 15% ауыл шаруашылығы өнімі, Қазақстанда өсірілетін бидайдың төрттен бірінен астамы әлемдік нарықта жоғары бағаланады. Сонымен қатар Машина жасау дамуда — өңдеу өнеркәсібінің негізгі салаларының бірі», — деп атап өтті М.Ахметжанов.
Өңір басшысының айтуынша, алдағы жылдары 130 млрд теңгеге 79 ірі инвестициялық жобаны іске асыру жоспарланып отыр, бұл ауыл шаруашылығы өнімдерін өндіруді едәуір арттыруға мүмкіндік береді.
Іс-шара барысында ауыл шаруашылығы саласының бірқатар өкілдері «Еңбек ардагері» медальдарымен, «Ауыл шаруашылығы үздігі"төсбелгісімен, Премьер-Министр мен облыс әкімінің алғыс хаттарымен марапатталды.
Дала күніне қатысушылар Ауыл шаруашылығы министріне сұрақтар қойып, тұшымды жауап алды. Фермерлердің алға қойған мүдделері — Қытай нарығына шығу, жеңілдетілген несиелеу және субсидиялау шарттары, тыңайтқыштар мен бидайдың бағасы және т. б.
Айта кетейік, екі күн ішінде фермерлер үшін семинарлар, шеберлік сабақтары мен дөңгелек үстелдер ұйымдастырылып, онда ауыл шаруашылығының өзекті мәселелері мен оларды шешу жолдары талқыланды. Жеке блокта халықаралық ғылыми конференция өтті.
Дереккөз t.me/Aqmola_region
