АШҒӨО қызметкерлері СҚО-да өсімдіктерді қорғау шараларына ғылыми сүйемелдеу жұмыстарын жүргізіп жатыр

«Қазақстанның әртүрлі топырақ-климаттық аймақтары үшін өзгермелі климат жағдайында ауыл шаруашылығы өнімдерін рентабельді өндіру үшін тұрақты егіншілік жүйелерін құрастыру және енгізу» BR22885719 ҒТБ орындау аясында ғылыми зерттеулер ауылшаруашылығы өндірісіне заманауй агротехнологияларды трансферттеу мен бейімдеуге бағытталған, ол бірінші кезекте тәжірибелік шаруашылықтарда тексеріліп, әрі қарай үлкен аудандарға еңгізілуі қажет.

Осыған байланысты А.И. Бараев ат. АШҒӨО-ның өсімдік қорғау зертханасының ғалымдары зертхана меңгерушісі А.С. Кочоров басшылығымен зерттеу нәтижелерін базалық шаруашылықтарға еңгізу жұмыстарын белсенді жүргізуде. Ауылшаруашылығы дақылдары егістігіне фитосанитарлық мониторингті жүргізу, танаптық тәжірибелерді салу және басқа іс шараларды қарастыратын өсімдік қорғау саласындағы зерттеулер жылда ауылшаруашылығы дақылдарының вегетациясы кезеңінде – себу жұмыстарының басталуынан өнімді жинау аяқталғанға дейін атқарылады.

2025 жылдың 25 мен 27 шілде аралығында ғалымдармен Солтүстік Қазақстан облысы, Тайынша ауданы, Теңдік ауылында орналасқан базалық шаруашылық болып табылатын «Қаратомар» ЖШС-нің дәнді және майлы дақылдар егістігіне кешенді зерттеу жүргізілді. Мониторинг жұмыстарынан кейін фунгицидтік және инсектицидтік әсері бар биопрепараттармен тәжірибелер салынды. Ол майлы дақылдар егістігінде аурулар мен зиянкестерге қарсы қолданылатын пестицидтік жүктемені азайтуға негізделді.

Шаруашылық басшысы Әлжан Ақан жүргізіліп жатқан бірлескен жұмыстарға және өндірістік процеске ғылыми нәтижелерді еңгізуге үлкен қызығушылық танытып, жоғары бағалады. Өсімдік қорғау саласындағы зерттеу нәтижелері ауылшаруашылығы дақылдарының климаттың өзгеруіне төзімділігінің артуы мен өнімділігінің жоғарылауына әсер ететіні күтілуде.

Мониторинг нәтижелері бойынша шаруашылыққа кеңестер мен ұсыныстар жасалынды. Әсіресе фитосанитарлық жағдайға көп көңіл бөлу қажеттілігі ескерілді. Зиянды ағзалардың ЭЗШ асқан жағдайда шұғыл түрде егістікті фунгицидтік немесе инсектицидтік өңдеу жүргізілу қажеттілігі ұсынылды.