А.И.Бараева атындағы АШҒӨО-ның ғылыми қызметкерлері нақты егіншілікті кезең-кезеңімен енгізу бойынша семинарға қатысты


БТО / Жаңалықтар




22 маусымда А.И.Бараева атындағы АШҒӨО-ның ғылыми қызметкерлері Аршалы ауданына Ақмола облысынданақты егіншілікті кезең-кезеңімен енгізу мәселесі бойынша семинар-кеңеске барды. Аршалы ауданы әкімінің орынбасары Балташев Әсет Қанатұлының төрағалығымен өткен іс-шараға Аршалы ауданының ауыл шаруашылығы басқармасының бастығы Мусинов Рахат Мұхамбетұлы және ауылшаруашылық кәсіпорындары мен шаруа қожалықтарының 15-ке жуық басшылары мен мамандары қатысты.
Семинарда «Өсімдік өнімдері мен ауылшаруашылық кәсіпорнын басқару құралдары өндірісіндегі нақты егіншілік» тақырыбында нақты егіншілік зертханасының ғылыми қызметкері Александр Лисенович, «нақты егіншілік жүйесіндегі әртүрлі ауыспалы егістерде алғы дақылдардың рөлі» тақырыбында ауыспалы егістер зертханасының меңгерушісі Қияс Алдаберген,«Агрохимиялық сараптама нәтижелері бойынша минералды тыңайтқыштарды қолдану, нақты егіншілік жүйесінде тыңайтқыштарды дифференциалды енгізу» тақырыбында агрохимия және тыңайтқыштар зертханасының ғылыми қызметкері Назарова Перизат, «Нақты егіншілік жүйесіндегі дәнді дақылдарды қорғау» тақырыбындағы өсімдіктерді қорғау зертханасының ғылыми қызметкері Нелис Татьяна қатысты. Ғалымдар мен агробизнес өкілдері ауылшаруашылық техникалары мен бағдарламалық-анықтамалық жүйелерге салынған инвестицияның тиімділігі мен қайтарымы, оларға шағын және орта шаруа қожалықтарында нақты егіншілікті енгізу кезінде қызмет көрсету, аймақтағы мобильді құрылғылардың тұрақсыздығы туралы пікір алмасты.
Семинар барысында қатысушылар өсімдіктердің минералды қоректенуі, нормалары, тыңайтқыштарды енгізу әдістері, ағымдағы жылы өсімдіктерді қорғау және өсімдік шаруашылығының басқа да технологиялық мәселелерін талқылады. Ғылым мен агробизнес арасындағы өзара байланыс, А.И.Бараев атындағы АШҒӨО-ның нақты егіншілік полигоны негізінде АӨК субъектісінің мамандарын нақты егіншілік практикасында дайындау және оқыту мәселелері талқыланды.
скачать dle 12.0
429 -рет қаралды

Басқа да


Серіктестер
Наверх Наверх