АШҒӨО нақты егіншілік жөнінде халықаралық семинар өтті
Жаңалықтар
2019 жылғы 7 қарашада «А.И.Бараев атындағы Астық шаруашылығы ғылыми-өндірістік орталығы» ЖШС-ында «Аграрлық өндірістегі нақты егіншілік: проблемалар, шешімдер, тиімділік» халықаралық семинары болып өтті.
Семинар жұмысына халықаралық сарапшылар және Агрофизикалық ғылыми-зерттеу институты (Санкт-Петербург қ.), Н.И.Вавилов атындағы Бүкілресейлік өсімдіктердің генетикалық ресурстары институты, «Ұлттық биотехнология орталығы» РМК (Степногор қ.), АӨК-тегі экономикалық саясат талдау орталығының ғалымдары қатысты.
«А.И.Бараев атындағы АШҒӨО» ЖШС бас директоры Кенже Абдуллаев халықаралық семинарға қатысушылар алдында сөз алып, семинар жұмысына табыс тіледі.«Бүгінде АШҒӨО-де нақты егіншілік жүйесін енгізу бойынша қарқынды жұмыс жүргізіліп жатыр, сондықтан бүгінгі семинар өзекті мәселелерді талқылап, ақпаратпен, ғылыми жұмыстармен және тәжірибемен алмасу үшін қолайлы алаң болып табылады», деп атап өтті К.Абдуллаев.
Семинарда ауыл шаруашылығы ғылымдарының докторы, РҒА корреспондент-мүшесі,«Агрофизикалық Ғылыми-зерттеу институты» ФМБҒИ зертхана меңгерушісі Вячеслав Якушев баяндама жасады. В.Якушев алқаптардың картасұлбасын агрохимиялық көрсеткіштер бойынша жасаудың теориялық және практикалық аспектілері туралы, сондай-ақ цифрлы тапсырмалар-картасы мен өнімділік картасын жасаудың ерекшеліктері туралы айтып берді.
Ауыл шаруашылығы ғылымдарының докторы, РҒА корресподент-мүшесі, «Агрофизикалық Ғылыми-зерттеу институты» ФМБҒИ-ның зертхана меңгерушісі Андрей Комаров «Нақты егіншілік полигонында нақты өсімдік шаруашылығы элементтерінің апробациясы бойынша 2019 жылдың алқаптық эксперименттері» тың жобаны таныстырды.
Н.И.Вавилов атындағы Бүкілресейлік өсімдіктердің генетикалық ресурстары институтының ғалымы Надежда Чикида Солтүстік Қазақстанның жағдайында жаздық және күздік тритикалені ықтимал пайдаланудың перспективалары туралы айтып берді.
АӨК-тегі экономикалық саясат Талдау орталығының өкілі Дмитрий Ли «Ақмола облысының шаруашылықтары үшін нақты технологияларды енгізудің экономикалық модельдерін жасауға әдістемелік тәсілдемелер» атты таныстырылымды ұсынды.
«Ұлттық биотехнология орталығы» РМК филиалының зертхана меңгерушісі Жаппар Нариман «Солтүстік Қазақстанның жағдайында астық дақылдары үшін биопрепараттар жасау» тақырыбында баяндама жасады.
АШҒӨО ғалымдары халықаралық сарапшыларға ғылым мен АӨК-те жаңа технологияларды енгізу жобаларын таныстырып, сондай-ақ жүргізілген ғылыми-практикалық зерттеулердің нәтижелері туралы әңгімеледі.
Ғалымдар семинарды қорытындылай келе алдағы уақытта жиі және тығыз ғылыми қарым-қатынаста болуға уәделесті.
863 -рет қаралды
