Үкімет егін егу және егістікті жинау жұмыстарын несиелендіруге 70 млрд теңге бөледі

Үкімет Аграрлық несие корпорациясына 2021 жылы егін егу және егістікті жинау жұмыстарын жүргізу кезеңінде аграршыларды қаржылай қолдау үшін 70 млрд теңге көлемінде бюджеттік несие беруді жоспарлап отыр. Аталған қаулыны Ауыл шаруашылығы министрлігі жариялады.

Кредиттің ерекшелігі жедел және қайтарымды шарттар бойынша 2021 жылғы 20 желтоқсанға дейінгі мерзімге жылдық 0,01% сыйақы мөлшерлемесі бойынша теңгемен АӨК-ке беріледі. Кредитті игеру екінші деңгейдегі банктегі АӨК шотына аударған күннен басталады, қаражатты 2021 жылғы 1 қарашаға дейін игеру қажет.

Кредитті мақсатты түрде және тиімді пайдаланылуын, өтелуі мен қызмет көрсетілуін бақылау және мониторингтеу Ауыл шаруашылығы министрлігі мен Қаржы министрлігіне жүктелген.

Ауыл шаруашылығы министрлігінде түсініктеме бергендей, бюджеттік несие Аграрлық несие корпорациясына 2021 жылы көктемгі егіс және егін жинау жұмыстарын жүргізуді қаржыландыру үшін бөлінеді.

«Бюджеттік несие қаражатының негізгі тұтынушысы агроөнеркәсіптік кешен субъектілері болып табылады. Аталған қаражат «Аграрлық несие корпорациясы» АҚ - тың «Кең дала» бағдарламасы бойынша кредит түрінде берілетін болады», - деп нақтылады министлікте.

Дереккөз: https://eldala.kz/kz/novosti/kazahstan/3358-pravitelstvo-vydelit-70-mlrd-tenge-na-kreditovanie-posevnyh-i-uborochnyh-rabotскачать dle 12.0