Бараев орталығына ҚазҚӨжТӨҒЗИ-дің Астанадағы филиалының қызметкерлері іс сапарымен келді

Әріптестік туралы Меморандум аясында А.И.Бараев атындағы Астық шаруашылығы ғылыми-зерттеу орталығына Қазақ қайта өңдеу және тамақ өнеркәсібі ғылыми-зерттеу институтының Астанадағы филиалының қызметкерлері іс сапармен келді.

Кездесу аясында келушілерге Бараев орталығындағы зертханалар көрсетіліп, ғылыми ордада іске асып жатқан жобалар таныстырылды.

Іс-шара барысында дөңгелек үстел ұйымдастырылып, оған қос ғылыми орталықтың басшылары мен қызметкерлері қатысты. Жиналғандар екіжақты әріптестіктің ғылыми-өндірістік потенциалына тоқталып, астық өңдеу саласындағы бірлескен жобаларға байланысты жоспарларды талқылады.