Халықаралық «Дала дәні» мерекесі өтті

Жаңалықтар

Шараға ҚР Ауыл шаруашылығы Вице-министрі Г. Исаева, АҚШ-тың ҚР-дағы Елшісі У. Мозер, Ақмола облысы әкімінің ауыл шаруашылығы мәселелері жөніндегі орынбасары Г. Әбдіқалықов, америкалық «Valmont» компаниясының жаһандық директоры С. Маузес қатысты.

«Астық шаруашылығы ғылыми-өндірістік орталығы» ЖШС-да (АШҒӨО) «Дала дәні» атты халықаралық дала күні өтті. Шараға ҚР Ауыл шаруашылығы Вице-министрі Г. Исаева, АҚШ-тың ҚР-дағы Елшісі У. Мозер, Ақмола облысы әкімінің ауыл шаруашылығы мәселелері жөніндегі орынбасары Г. Әбдіқалықов, америкалық «Valmont» компаниясының жаһандық директоры С. Маузес қатысты. Сондай-ақ, мемлекеттік және бизнес құрылымдардың, шаруа қожалықтарының, салалық ұйымдар мен қауымдастықтардың өкілдері болды. Мереке аясында пленарлық отырыс болып, онда аграрлық ғылымды дамыту, мемлекеттік сектордың бизнес-құрылымен өзара іс қимылы, жаңа аграрлық ғылым әзіплемелерін тиімді пайдалану, агротехнологияларды дамыту, басқа да өзекті мәселелер талқыланды.

ҚР Ауыл шаруашылығы вице-министрі Г. Исаева пленарлық отырыста құттықтау сөз сөйледі.

Ал АҚШ-тың Қазақстандағы Елшісі У. Мозер АҚШ пен Қазақстан арасындағы халықаралық қатынастарға жоғары баға берді. «Қазақстан өз экономикасын әртараптандыруға ұмтылады және елдің аграрлық секторы зор әлеуетке ие. АҚШ Қазақстанның осы ұмтылыстарын қолдауға дайын. Аграрлық технологиялардың тек экологиялық тұрғыда ғана емес, сонымен қатар тез, тиімді және үнемді болуы аса маңызды. Осы ретте американдық технологиялар, соның ішінде Valmont компаниясы қазақстандық әріптестеріне көмектесуге дайын. А.Бараев атындағы АШҒӨО - да жасалған жұмыс біздің ортақ мақсатымыздың куәсі болатынына сенімдімін», - деді елші.

Бұл күні «Valmont» трансұлттық компаниясының оқу залы да ашылды. «Біздің компания үшін Қазақстандағы ауыл шаруашылығы нарығын дамытуға қатысу үлкен құрмет. Бізді Қазақстанда осы даму кезеңінде жұмыс істеу шабыттандырады. Қазақ Үкіметінің көзқарасы бойынша, біз серіктесіміз «Кусто Групп»пен бірлесе әрекет ете отырып, елдің ландшафтын өзгертеміз. Жер аумағы бойынша әлемде тоғызыншы ел саналатын Қазақстанның ауыл шаруашылығындағы мүмкіндіктері шексіз», - дейді «Valmont» трансұлттық компаниясының жобалар мен халықаралық қызметтерді қолдау жөніндегі жаһандық директоры Скотт Маузес.

Сондай-ақ, іс-шараға қатысушылар ҒӨО тарихи мұражайының алғашқы көрермендері болды. Таяуда ғана күрделі жөндеуден өткен мұражайда аграрлық саланың тарихы үшін құнды 300ге жуық экспонат қойылған.

Дала күнінің екінші жартысында қонақтар нақты егіншілік полигонындағы демонстрациялық алаңда орталықта шығарылған ауыл шаруашылығы дақылдарының жаңа сорттары мен озық технологиялардың мүмкіндіктері, ұшқышсыз ұшу аппараттарының көмегімен ауыл шаруашылығы алқаптары мәліметі жазылған суреттерді алу, алқаптардың жоғары сапалы сандық карталарын алу туралы егжей-тегжейлі ақпарат алды.

Америкалық «Valmont» компаниясының мамандары АШҒӨО алқаптарында орнатылған жаңбырлатқыш агрегатты ұялы телефонның мобильді қосымшасы арқылы іске қосты.

Көрме алаңына сап түзеген Вектор, Агромашхолдинг, John Deer, Кировец, Ростсельмаш, СLAAS, AMAZONE, JCB, Trimble, Алмаз (Алтай машина жасау зауыты), Агропром, Ата-Су, Евразия групп және тағы басқа отандық және шетелдік компаниялар компаниялар ауыл шаруашылығы техникаларының жаңа үлгілерімен таныстырды.