К. Абдуллаев Орталық зейнеткерлерін Қарттар күнімен құттықтады

А.И.Бараев атындағы Астық шаруашылығы ҒӨО бас директоры Кенже Абдуллаев Орталықтың зейнеткерлерін Қарттар күнімен құттықтады. Зейнеткерлер Орталықтың түрлі құрылымдарында көп жылдар бойы тер төгіп, бүгінде бейнетінің зейнетін көріп отырған жандар. Олар өздерінің еңбек еткен жылдарын әрдайым сағына еске алады.

Өз кезегінде сөз алған зейнеткерлер АШҒӨО басшысына алғыстарын білдіріп, еңбекте табыс тілеп, Орталықтың тыныс-тіршілігінен, даму бағыты мен ғылыми жетістіктерінен әрдайым хабардар екендіктерін жеткізді.

«Көрсеткен ықыласы мен қамқорлығы үшін Орталық басшысына шын жүректен алғысымызды білдіреміз. Бізді естен шығармағандарыңыз үшін рахмет», – деді Валентина Ивановна Астапчук.