А.И.Бараев атындағы АШҒӨО ғалымдары судандық жаңа шөп сұрпының тұқымын жинап алды


Жаңалықтар
А.И.Бараев атындағы АШҒӨО көпжылдық шөптер селекциясы бөлімінің стационарында Ника деп аталатын жаңа перспективалы шөп сұрпының тұқымы жиналды. Аталған жаңа сұрып 2018 жылы шығарылды және ГСИ-да зерттелу үстінде. Судандық Ника шөбінің сұрпын "А.И.Бараев атындағы АШҒӨО" ЖШС селекционерлері Новосібір облысындағы "СибНИИ кормов" РҒА Сібір филиалымен бірлесіп шығарды. Сұрып поликросс және мутанттық тектегі поликросстық тұқымды іріктеу әдісімен алынған. Шөп тік болып өседі. Сабағы цилиндрлі, жылтыр, биіктігі 240-260 см. Орташа ұйысып өседі (бір шоғырда 2-4 сабақтан). Жапырақтары жалпақ, нәрлі, көлемі 38×2-ден 65×4-ке дейін жетеді. Жапырақтың қаулауы 47%-ке дейін барады. Тұқымы жұмыртқа пішінді, қошқыл. Өсіп-өну кезеңі 100-110 күн. Жасыл шөптің 1-шабылғанда орташа өнімділігі 252, құрғақ құрамы- 55, тұқымы- 21 ц/га. Шірімейді. Механикалық оруға жарамды, қуаңшылыққа, топырақтың сортаңдануына төзімді. Судандық Ника шөбінің сұрпын Солтүстік Қазақстан, Ақмола және Қарағанды облыстарында өсіруге ұсыным етіледі.скачать dle 12.0
714 -рет қаралды

Басқа да


Серіктестер
Наверх Наверх