АШҒӨО 2020 жылғы егін жинау науқанының қорытындысын шығарды
Жаңалықтар
Бұл ғылыми әзірлемелердің, дәнді дақылдардың перспективалы элиталық сорттарын қолданудың, инновациялық агротехникалық әдістерді, тұрақты дақылдарды енгізудің, өндірістік тәжірибелерді ғылыми сүйемелдеудің, ғалымдардың көктемгі және күзгі дала жұмыстарын ұйымдасқан түрде өткізу туралы жыл сайынғы тексерілетін ғылыми ұсынымдарының арқасында біздің ауылшаруашылық тауар өндірушілеріміз жоғары өнім алып, азық-түлік қауіпсіздігі мәселелерін шешіп жатыр.
Биыл егін жинау ауа-райының күрделі жағдайында өтті, сондықтан ғалымдар, агрономдар, зертханалар қызметкерлері, механизаторлар, жүргізушілер мен астық қоймасының жұмысшыларының ерен еңбегі ерекше құнды.
Маңызды ауылшаруашылық науқанының соңында жақсы нәтиже көрсеткені үшін басшылық пен жергілікті кәсіподақ бірқатар бөлім мен зертхана басшылары, ғылыми қызметкерлер, зертханашылар, механизаторлар алғыс хаттармен және ақшалай сыйлықақымен марапатталды.
Сонымен қатар іс-шарада «Үздік комбайнер», «Үздік жүргізуші» және «Астық ағынының үздік жұмысшысы» номинациялары бойынша егін жинау басталғанға дейін жарияланған конкурстың қорытындылары шығарылды. Барлық жеңімпаздар сертификаттармен және жалпы құны 1 300 000 теңгені құрайтын ақшалай сертификаттармен марапатталды. Бірінші орын алған жеңімпаздар жеңімпаздардың атлас ленталарымен марапатталды. Барлық іс-шараға қатысушыларға біздің талдамалық орталықтың лаборанттары жаңа егіннің ұнынан пісірілген үлкен нан сыйлады.
1 004 -рет қаралды
