Күн тәртібінде селекция және тұқым шаруашылығы мәселелері
Жаңалықтар
22 қыркүйекте "QazInnovations"инновацияларды дамыту жөніндегі Ұлттық агенттігі" АҚ базасында ауыл шаруашылығы тауарын өндірушілердің, агроном-ғалымдардың, селекционер-ғалымдардың, тұқым шаруашылықтары өкілдерінің, "Ауыл" партиясы мүшелерінің және басқа да мүдделі мемлекеттік мекемелердің қатысуымен "Селекция және тұқым шаруашылығы: ағымдағы жағдай және перспективалар" тақырыбында семинар-дөңгелек үстел өтті.
Іс-шараның мақсаты-селекция мен тұқым шаруашылығын дамыту трендтері мен драйверлерін талқылау және ұсыныстар әзірлеу.
Оған А.И. Бараев атындағы астық шаруашылығы орталығының ғалымдары: көпжылдық шөптердің селекциясы бөлімінің меңгерушісі Филиппова Надежда Ивановна, егіншілік бөлімі меңгерушісінің м.а.Қияс А.А., және коммерцияландыру бөлімінің маманы, жетекші экономист Бекешев Бауыржан Жаугашевич қатысты.
