Ресей ғалымдарымен ынтымақтастық


Жаңалықтар
24-30 қараша аралығында ҚР БҒМ гранттық қаржыландыру аясында А.И. Бараева атындағы астық шаруашылығы ғылыми-өндірістік орталығының қызметкерлері Ошергина И. П., Тен Е. А., Хасанова Г. Ж. "Оңтүстік-Шығыс Федералды аграрлық ғылыми орталығы" федералды мемлекеттік бюджеттік ғылыми мекемесіне (Саратов қ., РФ) барды. 
Бұл іссапардың мақсаты Оңтүстік-Шығыс ФАҒО-да жүргізілген зерттеулермен танысу, Саратов ғалымдарының тәжірибесін зерделеу және ауыл шаруашылығы дақылдарын іріктеу мен егіншіліктің басым бағыттарында ғылыми-зерттеу жұмыстарын жүргізумен танысу болды.
Селекциялық-тұқым шаруашылығы орталығының жаздық қатты бидай, жемшөп дақылдары, тары, генетика және цитология, майлы дақылдарды селекциялау және тұқым шаруашылығы, жасушалық селекция, иммунитет, биотехнология зертханаларының қызметкерлерімен жұмыс кездесуі өтті. АШҒӨО қызметкерлері жылыжай кешеніне барып, технологиялық орталық өкілдерімен кездесті. Сонымен қатар, Ершов және Краснокутск тәжірибе станцияларына сапар болды.
Оңтүстік-Шығыс ФАҒО делегациясының А.И.Бараев атындағы АШҒӨО-ға, сондай-ақ Қазақстанның басқа да бірқатар ғылыми-зерттеу және өндірістік ұйымдарына іскерлік сапарын 2024 жылы ұйымдастыру жоспарлануда.
Анықтама
"Оңтүстік-Шығыс Федералды аграрлық ғылыми орталығы" федералды мемлекеттік бюджеттік ғылыми мекемесі 1910 жылы проф. А.И. Стебут Саратов губерниялық земство Үкіметінің шешімі бойынша ұйымдастырған Саратов ауылшаруашылық тәжірибе станциясынан бастау алады.
Институт Ресейдің оңтүстік-шығысындағы негізгі егістік дақылдарының селекциясын, бейімделгіш-ландшафттық және нақты егіншілік негіздерін, дақылдарды өсірудің ресурс үнемдейтін технологияларын әзірлеуде жемісті жұмыс істейтін ғалымдарының жетістіктерімен бүкіл әлемге танымал.
скачать dle 12.0
4 375 -рет қаралды

Басқа да


Серіктестер
Наверх Наверх