Халықаралық ынтымақтастық: "Янлин" компаниясы делегациясының А.И. Бараев атындағы астық шаруашылығы ҒӨО-ға сапары

2026 жылғы 7 сәуірде А.И. Бараев атындағы астық шаруашылығы ғылыми-өндірістік орталығы заманауи ауыл шаруашылығы саласындағы халықаралық ынтымақтастық бойынша «Янлин» компаниясының делегациясын қабылдады. Делегация құрамында, Ли Ия - «Янлин Гохэ» компаниясының заманауи ауыл шаруашылығы технологияларын трансферлеу және коммерцияландыру жөніндегі бас директоры, сондай-ақ Ма Юнцин - Солтүстік-Батыс ауыл және орман шаруашылығы университетінің профессоры, ШЫҰ ауыл шаруашылығы базаларының сауда-экономикалық инвестицияларын ілгерілету орталығының маманы болды.

Сапар аграрлық ғылым мен инновациялық технологиялар саласындағы халықаралық әріптестікті нығайту және тәжірибе алмасуда маңызды қадам болды. Делегация Астана қаласынан Научный кентіне келіп, бағдарламаны Орталық басшылығымен кездесуден бастады. Басқарма төрағасы Б.Б. Қалибаев қонақтарды қарсы алып, Орталықтың қызметінің негізгі бағыттары, ғылыми жетістіктері және Қазақстандағы астық шаруашылығын дамытудағы рөлі туралы баяндады.

Қонақтар Орталықтың тарихи мұражайына барып, академик А.И. Бараев салған ғылыми мектептің бай мұрасымен, сондай-ақ өңірдегі астық өндірісінің даму кезеңдерімен танысты. Сапар барысында делегация өкілдері Орталықтың заманауи селекциялық жетістіктерімен танысты. Ауыл шаруашылығы дақылдарының перспективалы сорттары, ғылыми зерттеулердің нәтижелері және агроөнеркәсіптік кешенге инновациялық шешімдерді енгізу ұсынылды.
Бағдарламаның маңызды бөлігі алдағы ынтымақтастық бағыттарын талқылау болды. Тараптар бидай селекциясы, инновациялық әзірлемелерді енгізу, технологиялар трансферті және ғылыми нәтижелерді коммерцияландыру салаларындағы өзара іс-қимыл мүмкіндіктерін қарастырды.

Кездесу конструктивті және іскерлік жағдайда өтіп, ұзақ мерзімді әріптестікті дамытуға өзара мүдделілікті растады.
Сапар қорытындысы бойынша тараптар ынтымақтастықты тереңдетуге және ауыл шаруашылығының тиімділігін арттыруға, сондай-ақ аграрлық ғылымды дамытуға бағытталған бірлескен жобаларды іске асыруға дайын екендіктерін білдірді.

1 160 -рет қаралды