"А.И. Бараев атындағы АШҒӨО" ЖШС селекциясындағы судан шөбінің жаңа сорты "Ника" өндіріске жіберілді

Қазақстан Республикасында мал шаруашылығы саласын дамыту үшін жоғары өнімді дақылдар мен өсіру жағдайларына бейімделген сорттарды пайдалана отырып, мүмкін болатын тұрақты жемшөп базасы қажет.
Мәселен, "А.И. Бараев атындағы АШҒӨО" ЖШС көпжылдық шөптердің селекциясы бөлімінде Солтүстік Қазақстан жағдайлары үшін шаруашылық-құнды белгілері жоғары судан шөбінің селекциялық материалы мен жаңа сорттарын жасау бойынша зерттеулер жүргізілуде.

Бір жылдық шөптердің ішінде ең жоғары өнімді астық тұқымдас дақыл Солтүстік Қазақстан жағдайлары үшін пайдаланылатын шабындық-жайылымдық типтегі судан шөбі болып табылады. Вегетациялық кезеңнің басында баяу өсіп, кейіннен тез өседі, биомасса түзілуіне байланысты ол маусымның құрғақшылығына салыстырмалы түрде оңай төзеді және республиканың солтүстік аймақтарына тән шілдедегі жауын-шашынның максималды мөлшерін тиімді пайдаланады. Шапқаннан кейін тез өседі, жауын-шашын болған кезде екінші шабу пайда болады. Судан шөбі жануарлардың барлық түрлерімен жақсы желінеді, жасыл масса, шөп, пішен, сүрлем дайындау үшін қолданылады.
Қазіргі уақытта солтүстік аймақтардағы фермерлердіңсСудан шөбіне деген қызығушылығы осы дақылдың тұрақты өнімділігі мен жоғары мал азықтық артықшылықтарына байланысты өсті.

2023 жылы ҚР Селекциялық жетістіктерінің мемлекеттік тізілімінде судан шөбінің 17 сорты тіркелген. Солтүстік Қазақстан бойынша (Солтүстік Қазақстан, Ақмола, Павлодар, Қостанай облыстары) 11 сорт өндіріске жіберілді, оның ішінде 2021 жылы Ақмола облысы бойынша аудандастырылған "А.И. Бараев атындағы АШӨО" ЖШС селекциясындағы Ника сорты.
2023 жылғы 7 желтоқсанда Ауыл шаруашылығы вице-министрі А.С. Сұлтановтың және ҚР АШМ "Ауыл шаруашылығы дақылдарының сорттарын сынау жөніндегі мемлекеттік комиссия" РММ төрағалығымен өткен ауыл шаруашылығы дақылдарының сорттарын сынау мәселелерін қарау жөніндегі комиссия отырысында: Қазақстан Республикасында 2024 жылға пайдалануға ұсынылатын Селекциялық жетістіктердің мемлекеттік тізіліміне енгізілетін толықтырулар мен өзгерістерте 2024 жылдан бастап ҚР Қостанай, Павлодар және Батыс Қазақстан облыстары бойынша судан шөбінің Ника сортын пайдалану салаларын кеңейту және өндіріске жіберу ұсынылды.

Селекциялық питомниктердегі судан шөбінің биіктігін өлшеу және өнімділігін есепке алуды жүргізу

Судан шөбін өсіру процесі жалғасуда, жыл сайын селекциялық материалдар мен сорттар жасалады.
2023 ж. ҚР АШМ BR10765056 "Қазақстанның әртүрлі топырақ-климаттық аймақтарында оларды орнықты өндіру үшін биотехнология, генетика, физиология, өсімдіктер биохимиясы жетістіктері негізінде дәнді дақылдардың жоғары өнімді сорттары мен будандарын құру" іс-шарасы бойынша "Қоршаған ортаның стресс факторларына бейімделген жоғары өнімді сорттарды, дәнді және мал азықтық құмайдың будандарының селекциясы" бағдарламалық-нысаналы қаржыландыру шеңберінде: судан шөбінің селекциялық материалы мен жаңа сорты жасалып, МСС-ға берілді.
Филиппова Н.И, а.ш.ғ.к., "А.И. Бараев атындағы АШҒӨО" ЖШС көпжылдық шөптердің селекциясы бөлімінің меңгерушісі

4 951 -рет қаралды