А.И. Бараев атындағы АШ ҒӨО қар тоқтату жұмыстары бойынша жай-күйі

2025 жылғы қыс жағдайында «А. И. Бараев атындағы АШ ҒӨО» ЖШС танаптарында қарды тоқтату жөніндегі іс-шаралар күзгі топырақтың ылғалдану және агрофондардың тығыздалу жағдайын ескере отырып, агротехникалық талаптарға сәйкес жүргізіледі.

Орталықтың агрономиялық қызметінің мәліметінше, күзгі топырақтың ылғалдануы 50-60 мм аспайтын, дәнді дақылдардан кейін терең өңделетін алқаптарда табиғи қар жамылғысы 10-15 см жеткенде К-744 тракторымен СВУ-2,6 тіркемелі агрегатымен қар тоқтату жұмыстары жүргізілді. Агрегат өткелдерінің арасындағы қашықтық орталықтың ұсынымдарына сәйкес қалыптасқан қар үйінділерінің биіктігін ескере отырып анықталды. Қар жамылғысы 20 сантиметрден асатын учаскелерде К-701 тракторымен СВШ-10 (клин) қар тоқтау құралымен жүзеге асырылды.

Қысқа кетердің алдында сүрі танаптағы топырақтың ылғалдануы мониторингтің деректері бойынша топырақ профилінің 1 м-ден астам тереңдікке дейін толық ылғалданғанын көрсетті, сондықтан осы учаскелерде қар еру кезеңінде қысқы жауын-шашынның сіңуі минималды болады. Осыған байланысты сүрі танаптарында қардың қосымша жиналуы орынсыз болып табылады және су эрозиясы ошақтарының даму қаупін арттырады.

15-20 қаңтар аралығында 210 гектардан астам аумақта қар тоқтату жұмыстары жүргізілді. Қалған агротехникалық фондарды зерттегеннен кейін жұмыстар жалғастырылатын болады.

31 -рет қаралды