Таймас: жаздық бидай селекциясындағы жаңа стандарт

2023-2025 жылдарға арналған «Қазақстандық нарықты жаздық бидайдың отандық сорттарының элиталық тұқымдарымен қамтамасыз ету» ғылыми және (немесе) ғылыми-техникалық қызмет нәтижелерін коммерцияландыру жобасы шеңберінде «А. И. Бараев атындағы астық шаруашылығы ғылыми-өндірістік орталығы» ЖШС жаздық жұмсақ бидайдың Таймас сортының тұқым шаруашылығын көбейту және жетілдіру бойынша жұмыстар жүргізді.

Неліктен Таймас сортын таңдау керек?

1. Құрғақшылық пен ауруға төзімділік: Таймас сорты ылғалдың жетіспеушілігі жағдайында да сәтті өседі, қоңыр татқа төзімді, ол 2024 жылы қатты байқалды.
2. Жоғары өнімділік: 2024 жылдың қолайсыз жағдайларында орташа өнімділік 34,0 ц/га құрады. Қарағанды облысының құрғақшылық жағдайында 2024 жылы барлық агротехнологиялық іс-шаралар сақталған «Найдоровское» ЖШС өнімділігі 40 ц/га-дан асты.
3. Астық сапасы: астықтың тұрақты сипаттамасысортты фермерлердің әртүрлі қажеттіліктеріне сәйкес етеді.

2024 жылғы жұмыс нәтижелері

Жоба Таймас сортының тұқымын көбейту бойынша іс шаралардың толық циклін қамтыды:

• Тұқым өсіру питомниктерінің ауданы 86,4 га құрады.
• Жалпы астық өнімі 293,2 тоннаны құрады.
• Топырақты өңдеу, егістікті күтіп баптау және Wintersteiger Classic селекциялық және Sampo Rosenlew COMIA C8 тұқымшаруашылығы комбайндары көмегімен егін жинаудың заманауи технологиялары пайдаланылды.

Таймас сортының ауыл шаруашылығы үшін маңызы

Таймас сорты ең қиын ауа райы жағдайларында да тұрақтылық пен өнімділікті қамтамасыз ету үшін жасалған:

• Бұл фермерлерге астықтың сапасы мен өнімділігін арттыруға көмектеседі.
• Сорт қазақстандық селекцияның дамуына үлесін қосып, импорттық шешімдерге тәуелділікті азайтады.
• Таймас сорты елдің ауылшаруашылық әлеуетін нығайтуға ықпал етеді.

Фермерлермен жұмыс және насихатталуы

2024 жылы Таймас сортының артықшылықтарын көрсету шаралары жүзеге асырылды:

• Қостанай және Қарағанды облыстарында танаптық семинарлар ұйымдастырылды, онда фермерлер сорттың ерекшеліктерімен танысты.

• Таймас сортының сипаттамалары туралы бейнеролик дайындалды https://disk.yandex.com/i/V95tjKV9k1fb3w.
• Ауыл шаруашылық көрмелерге қатысу: «Jańa Dala/Green Day '2024» Қазақстандық Дала күні, «KazAgro-2024» Қазақстандық халықаралық ауыл шаруашылығы көрмесі, «Тұқым-2025 тұқым күні» қазақстандық келісім-шарт конференциясы және мамандандырылған басылымдарда жарияланымдар кәсіби қоғамдастықтың назарын аударуға мүмкіндік берді.

Таймас: даму векторы

Таймас сорты «А. И. Бараев атындағы АШҒӨО» ЖШС жұмысындағы стратегиялық маңызды элемент болып қала береді. Біз болашақта қазақстандық фермерлерге инновациялық және сапалы шешімдер ұсыну үшін ғылыми және селекциялық базаны нығайту бойынша жұмысты жалғастырамыз.

Біздің жобалар туралы толығырақсайттан білуге болады немесе кеңес алу үшін бізге хабарласыңыз.