Шортанды ауданына жұмыс сапары аясында АШҒӨОты Ақмола облысы прокурорының орынбасары Марат Бақтыбекұлы келді

Шортанды ауданына жұмыс сапары аясында А.И. Бараев атындағы астық шаруашылығы ғылыми-өндірістік орталығына Ақмола облысы прокурорының орынбасары Марат Бақтыбекұлы келді.
Басқарма Төрағасының ғылым жөніндегі орынбасары Юрий Юрьевич Долинный қонақты қарқынды егіншілік пен өсімдік шаруашылығын дамытуға байланысты Орталық қызметінің негізгі бағыттары, сондай-ақ ғылыми-техникалық бағдарламалар мен гранттар шеңберінде іске асырылатын нысаналы ғылыми жобалармен таныстырды.
Кездесу соңында Марат Бақтыбекұлы Орталық ұжымына аграрлық ғылымды дамытуға қосқан елеулі үлесі және Ақмола облысының аграрлық бизнесімен белсенді ынтымақтастығы үшін ризашылығын білдірді.